Названы склад мужчынскай і жаночай біятлонных зборных на першыя этапы Кубка свету і Кубка IBU, паведамілі карэспандэнту агенцтва «Мінск-Навіны» ў прэс-службе Беларускай федэрацыі біятлона.
Так, на этап Кубка свету, які пройдзе ў славенскай Паклюцы з 2 па 9 снежня, мужчынская каманда адправіцца ў наступным складзе: Уладзімір Чапелін, Сяргей Бачарнікаў, Антон Смольскі, Раман Ялётнаў і Максім Варабей. У камандзе прадстаўніц прыгожага полу будуць Ірына Крыўко, Ганна Сола, Дынара Алімбекава і Дар’я Юркевіч.
Што тычыцца Кубка IBU, то першы этап прыме шведскі Ідры з 29 лістапада па 2 снежня. У мужчын пад беларускім сцягам выступяць Мікіта Лабастаў, Віктар Крыўко і Дзмітрый Лазоўскі, у жанчын — Іна Касцючэнка, Ірына і Алена Кручынкіны. Адзначым, Жаночая заяўка беларускай зборнай на Кубак IBU цалкам складаецца з расіянак, якія атрымалі ў гэтым сезоне права прадстаўляць Беларусь.
